धनगढी, असोज ३ । डेउडा प्रतिष्ठानका अध्यक्ष तथा वरिष्ठ कलाकार दलबहादुर बोगटीको उपचारको क्रममा निधन भएको छ।
भदौ ३१ गते राति हाइसको ठक्करबाट गम्भीर घाइते भएर धनगढीस्थित माया मेट्रो अस्पतालमा उपचाररत बोगटीको आज दिउँसो १ बजे मृत्यु भएको हो ।
गत ३१ गते धनगढी उपमहानगरपालिका वडा नम्बर ६ जालीमा ०१०००१ ज १५२८ नम्बरको हाइसले ठक्कर दिँदा उनी गम्भीर घाइते भएका थिए ।
कलाकार बोगटीलाई ठक्कर दिने हाइसका चालक प्रहरीको नियन्त्रणमा रहेका छन् । बोगटी नेपाल प्रहरीको अवकाश प्राप्त सहायक प्रहरी निरीक्षक (सई) पनि हुन् ।
