बैतडी, कार्तिक १९ । बैतडीमा बोकाले हान्दा भिरबाट लडेर एक महिलाको मृत्यु भएको छ।
जिल्लाको सुर्नया गाउँपालिका–३ तडिगाँउकी ४५ वर्षीया पार्वती भट्टको आज (सोमवार) दिउँसो स्थानीय दोसिर भन्ने भिरमा बोकाले हान्दा लडेर घटनास्थलमै मृत्यु भएको हो।
खर काट्न गएकी पार्वती छिमेकीको बोका खरबारीमा आएपछि धपाउनेक्रममा बोकाले हान्दा लडेर करिब ५ सय मिटर तल भिरमा खसेकी थिइन्।
मृत भट्टको घरमा श्रीमान, चार छोरा र चार छोरी छन्।
