६ भदौ , धनगढी : दार्चुला जिल्ला मार्मा गा .पा.- १ ताकुमा जन्मिएका उमेश ठगुन्ना थाइल्यान्डको बैंककमा आयोजित गोल्डेन अन्तर्राष्ट्रिय म्युजिक आवार्डद्वारा
सम्मानित भएका छन् ।
लामो समय सम्म शैक्षिक एवम गायन क्षेत्रमा आबद्ध रहेका ठगुन्नाले “जिन्दगी के छ र” बोलको गीतबाट आवार्ड हात पारेका हुन ।
शैक्षिक एवम गायन क्षेत्रमा योगदान पुर्याउदै आउनु भएका ठगुन्नाका र्दजनौ गीतहरू चर्चित र त्यति नै सन्देशमूलक छन् । गायन क्षेत्रमा लामो योगदान दिदै आएका उनी हाल कञ्चनपुरको शुक्लाफाटा न. पा.- ८ पारीफाटामा स्थायी रुपमा बसोबास गर्दै आउनु भएको छ ।
हाल भने ठगुन्ना सांगीतिक एवं शौक्षिक कर्मथलो बनाएर काठमान्डौमा बसिरहेका छन् ।
उनीसँगै गोल्डेन अन्तर्राष्ट्रिय म्युजिक आवार्ड २०२४ मा नेपाली गायक , गायिका , मोडेलहरु गरी जम्मा ३२ जना सम्मानित भएका थिए ।
